کنار ایله حجاب تیره زلفی ماه منظردن
دریغ ایتمه علی لطف نگاهون جان مضطردن
سپهر عارضوندن لمعه لمعه نور اولور ساطع
آلیب گوی سبق ماه رخون خورشید انوردن
نه سودا وار باشوندا عالمی ترک ایتموسن بولمم
سنی سرمست‌اید و بدور ساقی غم هانسی ساغردن
عوالم نظمنی ایتمه پریشان، حال لیلی تک
صبا قویما گذار ایتسون او گیسوی معنبردن
بویون قربانیم قوی بیر دولی گوزلی بویون گورسون
آنان بار نظر درسین بله نخل تناوردن
قیام امتون توجیه ایدر هنگامه‌ی حشری
تاپیلماز ماصدق بو قامته سرو و صنوبردن
دولاندیرما گوزون مستانه بو گردون گردان تک
که ایلر منحرف گردونه‌ی امکانی محوردن
فروغ عارضون گورسه عروس حجله‌ی گردون
زواله خجلتندن میل ایدرسرحدّ خاوردن
شعاع آفتاب عارضون قویمور گوره گوزلر
نه گوهرلر سَپَر خاک رهونده چرخ، اختردن
آتا گر بیر اشارتله کمان ابرو نظر تیرین
خدنگ انداز گردونی سالار نه طاق اخضردن
دم باد سحرتک زلفوه هر دم دیَر آهیم
بو دشتی رشگ چین ایلر شمیم مشگ اذفردن
آنان سنده اوغول محو ایلیوبدور روحون، آختارما
آنالیق روحونی بو قالب لیلایه بنزردن
گورن نقش بدیع نسخه‌ی حسنون بولر ایلوب
سخنگوی ازل عطف بیان حسن پیمبردن
باخور گوز حسنوه هر نظره ده افزون اولور نوری
وگرنه دل بولور بو مصحفین آیاتنی بردن
خیال ایتدیقجا کامه یتماقون، شوقیله گوز یاشیم
گچر طوفان ایدنده هفت دریای مسجّردن
جواهر سرمه‌ی دود دلیله چشم مخمورون
اولوب مکحول آلا دل دیده‌ی جادوی عبهردن
آنان روحی تجسّم تاپدی اولدی صورت اکبر
گچور گور ایندی نه حالیله بو روح مصوّردن
قتاله عزم ایدوبسن ویر اجازه ایلوم آماده
منظم بیر قشون آه دل اشگ دیده‌ی تردن
ملوکانه جلالیله علم نصب ایله میدانه
دل آل حسنیله، جان شمشیریله قوم ستمگردن
ندای احمدی (ص) باشلا دل کفاره القا ایت
هراس و رعب و وحشت نعره‌ی الله‌اکبردن
علی تیغ الده تأیید یدالهیله سن گوستر
علائم بو سپاهه قدرت بازوی حیدردن
عدو دم ویرسا منع آبدن گوستر غروریله
لبون تا ایلسین مین لر حکایت آب کوثردن
مباهات ایتسه دشمن کثرتندن آچ سر زلفون
توکولسون لشکر آردونجا دوشن آواره دل لردن
صف مژگانله اعدا صفوفین برهم ایت یکسر
کمان ابرویه خم ویرمه هجوم تیغ و خنجردن
سپاه کینه قلبنده نگاه نرگس مستون
ایدر آرتیق شراره مشتعل مین شعله آذردن
شهادت شاهدین شوقیله استقبال ایله هرگز
خیال ایتمه جفای خصمدن بیداد لشکردن
فروغ تابناک گوهر نفسون گوره بولمز
او گوزلر که اولوبدور خیره برق نقره و زردن
مقدسدور، شهادت کعبه سین طوف ایت صفائیله
بو درگاهین غبارین پاک ائدر جبریل شهپردن
منای عشقده مردانه قربان اول سنه قربان
آنان قوی رتبه ده ممتاز اولا حوّا و هاجردن
علی قویما اولا آشفته فکرون فکر لیلادن
اسارتدور شهادت ملزمی امر مقدردن
حریم عصمتین تضمین ایدوب حق حفظ ایده اما
آلانماز پرده قوم کینه‌جو آل پیمبردن
سنه باش ترکنی تعلیم ایدن راه دیانتده
منه تلقین ایدوب ال چکمییم بو قاره معجردن
مصفّادور اگرچه اشک شبنم چهره‌ی گلده
تاپار اوزگه صفا حسنون بویانسا خون احمردن
شهادتله یتیشمز ماجرا پایانه، سیر ایلر
باشون اوزگه مراحل، دور گردن مدوّردن
جدا باشین باشون ترک ایلمز شامه کیمی بولّم
کیمین وار تابی آیریلسون بله هم سرّ و همسردن
فراقون سوزونی پایانه ویرمز عمر، پایانی
ویرر باش بو شرار جانگزا دامان محشردن
حسین بن علی درگاهنه یوز دوندروب عابد
که عنوان وساطتله دوتوب دامان اکبردن
رجای واثق ایله، مدعا تحصیلنی ایستر
بولر هرگز گدا اولموب اولا نومید بو دردن